215 पटक हेरिएको 
बैंक तथा वित्तीय संख्याले फलफूल एवम् जडीबुटी उत्पादन तथा प्रशोधन गर्ने परियोजनामा धेरै ब्याज लिन नपाउने भएका छन्।त्यस्ता परियोजनामा बैंक तथा वित्तीय संस्थाले कर्जा प्रवाह गर्दा २ प्रतिशतसम्म मात्रै प्रिमियम थप्नुपर्ने भएको हो।
नेपाल राष्ट्र बैंकले आज सर्कुलर जारी गर्दै बैंकको आधारदरमा २ प्रतिशत मात्रै प्रिमियम थपेर आवधिक कर्जा वितरण गर्नुपर्ने बताएको छ।
तर यस्तो ब्याजदर जग्गा खरिद गर्न भने उपलब्ध नहुने बताएको छ। फलफूल खेती, जडीबुटी खेती र त्यसको प्रशोधन गर्नका लागि मात्रै बैंकको ब्याजदर कम गर्न राष्ट्र बैंकले भनेको हो।
यस्तो २ प्रतिशत मात्रै प्रिमियम थप हुने सुविधा योभन्दा अघि १०० बेडसम्मको अस्पतालको लागि २० करोड रुपैयाँसम्म कर्जा प्रवाह गर्दा दिएको थियो। त्यस्तै अक्सिजन प्लान्ट स्थापना गर्दा र महामारीजन्य रोगको खोप उत्पादन गर्ने प्रयोजनमा कर्जा लिँदा समेत यो सुविधा दिँदै आएको थियो।
