1012 पटक हेरिएको 
मौलिक नेपाली लोक संगीतको दुनिँयामा आफ्नो छुट्टै पहिचान बनाउन सफल लोक दोहोरी गायक, शब्द, लय संकलक नन्द बहादुर घर्ती मगर लोक पारखीहरुको मनमुटुमा बास बस्न सफल भएका छन ।
लिवाङ न. पा ३ खुमेल रोल्पामा जन्मिएका नन्द बहादुर घर्ती मगर स्कुले जिबनमै स्थानिय स्तरमा हुने कार्यक्रमहरुमा आफनो गायन प्रस्तुति दिन्थे भने प्रतियोगीतामा भाग लिएर पुरस्कृत भएरै छाड्थे यहि लोक भाका र दर्शक श्रोत्राको मायाले उनले जागिर सगँ सँगै गीत संगीतलाई निरन्तरता दिइरहेका छन ।
उनि काठमाडौ झरे सँगै बिभिन्न कार्यक्रमहरुमा निरन्तर उत्कृष्ट गायन प्रस्तुती दिदै आएपनि नन्द बहादुर घर्ती मगरले २०६० सालमा दिलमा ठाँउ छ लोक दोहोरी गीत रेर्कड गरि औपचारिक रुपमा सांगीतिक क्षेत्रमा प्रवेश गरेका थिए । 
युवा पुस्ताका आशा लाग्दा गायक÷रचनाकार एवं संगीतकार नन्द बहादुर घर्ती मगरले अहिले सम्म सालैजो, कौडा, टप्पा, सोरठी, भुमे पैसरु लगाएत करिब ५ दर्जन भन्दा बढि मौलिक लोक दोहोरी गीतहरु बजारमा ल्याइ सकेका छन भने उनले एक विधा एक स्टार मनास्लु राष्ट्रिय अवार्ड २०७४ बाट सर्बोकृष्ट रचनाकारको सम्मान हात पारेका छन ।
