748 पटक हेरिएको 
काठमाडौं–राजधानीको दरबारमार्गस्थित ल्याण्डमार्क होटलमा भएको सामूहिक बलात्कारको घटना गुपचुप मिलाएको केसमा महानगरीय प्रहरी बृत्त दरबारमार्गका डिएसपी तानिएका छन् । घटना हुँदा आफू बिदामा बसेको बताउँदै आएका डिएसपी तिलक भारतीलाई पनि छानबिनका लागि महानगरीय प्रहरी परिसर काठमाडौ तानिएको छ ।
उनीमाथि पनि अनुसन्धानका लागि महानगरीय प्रहरी परिसर काठमाडौं तानिएको प्रहरी प्रधान कार्यालय स्रोतले जनाएको छ । उनको ठाउँमा दरबारमार्ग बृत्तमा कसलाई पठाउने भन्नेचाहिँ टुंगो लागेको छैन ।
माघ ७ गते राती आफ्नो केटा साथीले बोलाएपछि ल्याण्डमार्क होटल पुगेकी युवतीमाथि केटासाथी सहिततीन जना युवाले बलात्कार गरेको भन्दै युवतीले उजुरी दिएकी थिइन् ।
तर, प्रहरी बृत्त दरबारमार्गका इन्सपेक्टर लक्ष्मण सिंह ठकुरीले गुपचुप बलात्कार जस्तो गम्भीर अपराधको घटना गुपचुप मिलाएको बताइँदै आएको थियो । तर, डिएसपीको पनि भूमिका शंकास्पद भएको भन्दै अनुसन्धानका लागि तानिएको प्रहरी स्रोतको भनाइ छ ।
यही विषयमा यसअघिनै महानगरीय प्रहरी परिसर काठमाडौंका एसपी रामदत्त जोशीको कमाण्डमा छानविन समिति गठन समेत भइसकेको छ ।
यस्तै प्रहरी प्रधान कार्यालयले घट्नामा संलग्न दरबारमार्ग वृत्तको मुद्धा शाखामा कार्यरत इन्सपेक्टर लक्ष्मणसिंह ठकुरीलाई नक्सालस्थित १ नम्बर गणमा सरुवा गरिसकेको छ ।
छानबिन समितिले दरबारमार्ग वृत्तका मुद्धा शाखामा कार्यरत सई चन्द्र भण्डारीमाथि समेत मिलेमत्तोको आशंकामा अनुसन्धान गरिरहेको छ ।
यसैबीच महानगरीय प्रहरी कार्यालय रानीपोखरीले पनि घटनबारे चासो जनाउँदै एसएसपी पूर्णचन्द्र जोशीको संयोजकत्वमा छुट्टै छानबिन समिति गठन गरेको छ ।
