58 पटक हेरिएको 
पाकिस्तानकी प्रसिद्ध गायिका कुर्रातुलाइन बलोच भालुको आक्रमणमा घाइते भएकी छन् ।
बिहीबार राति, उनी गिलगिट-बाल्टिस्तानको प्रसिद्ध देओसाई राष्ट्रिय निकुञ्जमा आफ्नो टोलीसँग क्याम्पिङ गरिरहेकी थिइन् ।
उनी आफ्नो पालमा थिइन्, अचानक एउटा ठूलो हिमालयन खैरो भालु उनको पालमा पस्यो ।
जब उनी ठूलो स्वरमा चिच्याइन्, उनका कर्मचारी, वन्यजन्तु अधिकारीहरू र केही होटल कर्मचारी तुरुन्तै त्यहाँ पुगे ।
त्यहाँ उपस्थित एक वन्यजन्तु अधिकारी र गिलगिट-बाल्टिस्तान सरकारले बीबीसी उर्दुलाई बताएअनुसार गायिकाको हातमा चोट लागेका छन् ।
वन्यजन्तु अधिकारीका अनुसार, भालु आक्रमण गरेपछि तुरुन्तै भाग्यो ।
घटनास्थलमा पुगेका एक अधिकारीले भने, ‘कुर्रातुलाइन धेरै साहसी छिन् र भालु देखेपछि उनी बेहोस भइनन् ।’
उनले थपे, ‘यो २०० किलोग्रामभन्दा बढी तौलको भोको भालु थियो। यदि उनी बेहोस भएकी भए अवस्था अझ खराब हुन सक्थ्यो ।’
