1157 पटक हेरिएको 
काठमाडौ । समाजवादी पार्टी निकट समाजवादी आदिवासी जनजाति महासंघको यहि भदौ ३० गते ललितपुरको दिखेदेवलस्थित यलखिम पार्टी प्यालेसमा औपचारिक घोषणासभा गरिने भएको छ ।
संघीय समाजवादी फोरम र नयाँ शक्ति पार्टीबिच एकता भएपछि दुवै पार्टीनिकट आदिवासी जनजाति संगठनको समायोजन गरी समाजवादी आदिवासी जनजाति महासंघ घोषणा गर्न लागिएको हो ।
महासंघको अध्यक्ष संघीय समाजवादी फोरमबाट चन्द्रविक्रम राई र महासचिव नयाँ शक्तिबाट टेकम बाठा मगर हुनेछन् ।
दिउँसो १२ बजेदेखि सुरु हुने घोषणासभामा समाजवादी पार्टीका केन्द्रीय समिति अध्यक्ष उपेन्द्र यादव, संघीय परिषद् अध्यक्ष डा बाबुराम भट्टराई र वरिष्ठ नेता अशोक राई वक्ताको रुपमा रहनेछन् ।
कार्यक्रममा ख्यातिप्राप्त कलाकारहरुद्वारा विविध सांस्कृतिक प्रस्तुतिका साथै जातीय पहिचान झल्कने मौलिक झाँकी समेत प्रदर्शन गरिनेछ ।
MANASLU TV
