891 पटक हेरिएको 
दाङ ९-जेठ/ नेपाल भारत सिमानामा पर्ने दाङको कोईलाबासमा खानेपानीको चरम संकट सृजना भएको छ । भएका पानीका स्रोतहरु सुकेपछि अहिले कोईलाबासबासीहरुलाई खानेपानीको चरम संकट परेको हो ।
खोलामा निरन्तर ढुंगाजन्य बस्तुहरुको दोहन हुनु, मुहानको संरक्षण नहुदा पानीको हाहाकार भएको छ । भएका धाराहरुमा पानी आउन छाडेको छ भने कुवाहरु पनि सुकेपछि पानीको हाहाकार भएको स्थानिय रसिव सिद्धिकीले बताए ।
नेपाली भुभागमा पानीका स्रोतहरु सबै सुके पछि कोईलाबासबासीहरु भारतमा पुगेर पानी ल्याउन बाध्य भएका छन् । सिमानामा रहेको भारतिय सुरक्षाबल एसएसबिको शिबिरबाट नेपालीले पानी ल्याउने गरेका छन् ।
कुनै बेला राप्ती अञ्चलकै व्यापारिक द्धार रहेको कोईलाबास अहिले भने विकासमा निकै पछाडि परेको छ । साविकको कोईलाबास गाबिस स्थानिय तहमा रुपन्तरण भए पछि गढवा गाउँपालिकाको वडा नम्बर ८ बनेको छ ।
