672 पटक हेरिएको 
काठमाडौं । नेपाल चिकित्सक संघले अनसनरत डाक्टर गोबिन्द केसीका माग पुरा गर्न सरकारलाई ७२ घण्टे अल्टिमेटम दिएको छ । संघले अबको ७२ घण्टा भित्र सरकारले डा. के.सी.को जीवन रक्षाका लागि ठोस कदम अगाडी नबढाए आगामी आईतवार थप आन्दोलनको स्वरुप तय गर्ने चेतानावी समेत दिएको छ ।
के.सी. १६ औं पटक अनसनमा बसेको आज १६ औं दिन भई सक्दा समेत सरकारले वार्ता समिति समेत गठन नगरेको प्रति संघले आपत्ति जनाएको छ । अध्यक्ष मुक्तिराम श्रेष्ठले विज्ञप्ति जारी गर्दै प्रधानमन्त्रीले आफ्नै अग्रसरतामा गरिएको सम्झौताका सम्बन्धमा अलग परिस्थितिमा सम्झौता भएकोले संसदलाई आदेश गर्न नसक्ने भन्ने अत्यन्तै गैरजिम्मेवारपूर्ण अभिव्यक्ति दिएको, सरकारकै तर्फबाट डा. के.सी.का सम्बन्धमा गलत प्रचार गरी सम्पूर्ण नागरिकलाई दिग्भ्रमित पार्ने अभिव्यक्तिहरु आएको भन्दै निन्दा गरेका छन् ।
