1342 पटक हेरिएको 
काठमाडौं । जम्मु काश्मिरस्थित पुलवा जिल्लाको पिंगलेना भन्ने ठाउँमा सोमबार बिहान भएको गोली हानाहानमा भारतीय सेनाका चार जनाको मृत्यु भएको छ । एक जना सैनिक घाइते भएका छन् ।
सो ठाउँमा विद्रोही लडाकुहरु लुकेर बसेको सूचना पाएपछि परिचालन भएको सेनासँग गोली हानाहान भएको हो । स्थानीय प्रहरीका अनुसार सो ठाउँमा सेनाका ५५ आरआर, सीआरपीएफ र एसओजीले संयुक्त अपरेशन सुरु गरेको थियो ।
गत साता सेनाको एक टुकडीमा विद्रोहीले आक्रमण गरेको थियो । त्यसपछि सेनाको संयुक्त टिमले त्यहाँ कारबाही अभियान चलाइरहेको छ ।
