819 पटक हेरिएको 
नयाँ दिल्ली (भारत), २० फागुन । पश्चिम भारतको राजस्थानमा शुक्रबार जिप र ट्रक एकआपसमा ठक्कर खाई दुर्घटना हुँदा तीन महिलासहित १७ जनाको मृत्यु भएको यहाँको प्रहरीले जनाएको छ ।
घटनामा अन्य घाइते भएका छ जनालाई उपचारका लागि स्थानीय अस्पतालमा भर्ना गरिएको छ ।
हनुमानगढ जिल्लाको लाखुवाली सहरमा भएको उक्त घटनामा सडकमा उभिरहेका केही व्यक्तिको समेत मृत्यु भएको बताइएको छ ।
यात्रुले खचाखच जिप र विपरित दिशाबाट आएको ट्रक एकआपसमा जुधेपछि सडक छेउमा उभिएका स्थानीयलाई समेत धक्का दिन पुगेको र १७ जनाका घटनास्थलमै मृत्यु भएको भारतीय वरिष्ठ प्रहरी अधिकारी पुष्पेन्दर सिंहले बताउनुभयो ।
प्रारम्भिक अनुसन्धानबाट घटना चालकको लापरवाहीका कारण भएको देखिएको छ भने थप अनुसन्धान जारी रहेको सिंहले बताउनुभयो ।
भारतमा कमजोर ग्रामीण सडक संरचना र चालकको लापरवाहीका कारण हरेक वर्ष दशौँ हजार मानिसको मृत्यु हुनेगर्छ ।
भारतीय सडक यातायात मन्त्रालयले दिएको जानकारी अनुसार सन् २०१५ मा भएका पाँच लाख एक हजार ४२३ सडक दुर्घटनामा एक लाख ४६ हजार १३३ मृत्यु भएको र पाँच लाख २७९ व्यक्ति घाइते भएका थिए । रासस÷सिन्ह्वा
