791 पटक हेरिएको 
जनकपुर । यो शीर्षक पढ्दा तपाइँलार्इ अचम्म लाग्ला, मन्त्री नै संविधानको विरोध जुलुसमा भनेर । तर अचम्म नमान्नुस् बुधबार प्रदेश २ का सामाजिक विकास मन्त्री नवलकिशोर साह संविधान दिवसको विरोधमा जनकपुरमा आयोजना गरिएको जुलुसमा थिए ।
राष्ट्रिय जनता पार्टी(राजपा)ले संविधान दिवसलाई कालो दिन भन्दै आयोजना गरेको कमान्ड पार्टीले मन्त्री साहलाई सुम्पेको छ । मन्त्री साह निजी नम्बरको मोटरसाइकल चढेर जनकपुरको जनक चोक पुगेका थिए ।
मन्त्री साह पुगेपछि त्यहाँ भेला भएका राजपाका नेता/कार्यकर्ताले कालो झण्डा बोकेर प्रदर्शनमा उत्रिएका थिए । मन्त्री साहले त्यसको अगुवाई गरेका थिए ।
