479 पटक हेरिएको 
काठमाडौं । मिस युनिभर्स नेपाल २०२० को उपाधि अस्ट्रेलिया निवासी, वर्ष २४ की अन्सिका शर्माले जितेकी छन् । उनले मिस फेयर्सको उपाधि पनि पाइन् । होन्डा नेपालको प्रस्तुतमा आयोजित मिस युनिभर्स नेपाल २०२० को उपाधिसँगै शर्माले १० लाख रुपैयाँ, १५ लाख बराबरको क्राउन पनि जितेकी छन् । शर्माले अब मिस युनिभर्सको मञ्चमा नेपालको प्रतिनिधित्व गर्ने छिन् । मिस युनिभर्स प्रतियोगिता आगामी अप्रिल वा मे महिनामा हुनेछ ।
यस्तै, सो प्रतियोगितामा फस्ट रनर अप सुजिता बस्नेत घोषित भइन् । त्यसैगरी, नीनाकान्त मण्डल सेकेन्ड रनरअप, दिक्ता थापा थर्ड रनर अप र न्यान्सी खड्का फोर्थ रनर अप बन्न सफल भए ।
यस्तै, अन्य उपाधितर्फ नीनाकान्त मण्डलले मिस ब्रेभ बोल्ड ब्युटीफुलको उपशीर्षक हासिल गरिन् भने सुजिता बस्नेतले व्यञ्जन मिस लाइफस्टाइल र न्यान्सी खड्काले मिस फ्याबुलसको उपशीर्षक हासिल गरिन् ।
